ਰੌਂਗ ਨੰਬਰ

ਇਕ ਦਿਨ ਮੇਰੇ ਮੋਬਾਈਲ ਤੇ ਮੈਨੂੰ ਕਿਸੇ ਦਾ ਫੋਨ ਆਇਆ ਤੇ ਮੈਂ ਹੈਲੋ ਹੈਲੋ ਕਰੀ ਜਾਂਵਾ ਤੇ ਉਹ ਦੋ ਲੋਕ ਆਪਸ ਚ ਗੱਲਾਂ ਕਰ ਰਹੇ ਸੀ ਸ਼ਾਇਦ ਉਹਨਾਂ ਨੂੰ ਮੇਰੀ ਆਵਾਜ਼ ਸੁਣਾਈ ਨਹੀਂ ਦੇ ਰਹੀ ਸੀ ।
“ਹੈਲੋ ਯਾਰ ਕੋਈ ਖਬਰ ਖੂਬਰ ਆਈ ਜਾਂ ਬਣਾਈ …।?”ਇਕ ਨੇ ਪੁਛਿਆ
“ਨਹੀਂ ਕੋਈ ਖਬਰ ਖੂਬਰ ਨਹੀਂ,ਮੈਂ ਤਾਂ ਆਪ ਵਿਹਲਾ ਹੀ ਬੈਠਾਂ ।”
“ਕੋਈ ਪ੍ਰੈਸ ਨੋਟ,ਕੋਈ ਦੜੇ ਸੱਟੇ ਵਾਲਿਆਂ ਦੀ ਖਬਰ,ਕੋਈ ਚੂਰਾ ਪੋਸਤ ਦੀ,ਕੋਰੀ ਸ਼ਰਾਬ ਫੜੀਦੀ…।।?
“ਯਾਰ ਵਿਹਲੇ ਬੈਠੇ ਆਂ,ਗਰਮੀ ਬਹੁਤ ਹੋ ਗਈ ਆ,ਜੇ ਕੋਈ ਖਬਰ ਜਾਂ ਪ੍ਰੈਸ ਨੋਟ ਹੋਇਆ ਤਾਂ ਭੇਜ ਦੇਵਾਂਗਾ ।”
“ਲੈ ਬਣ ਗਈ ਖਬਰ,ਗਰਮੀ ਨੇ ਆਪਣੀ ਗਰਮਾਹਟ ਵਿਖਾਈ ਲੋਕ ਪਰੇਸ਼ਾਨ ।”
“ਵਾਹ ਵਾਹ ਤੁਸੀਂ ਬੜੇ ਦਿਮਾਗੀ ਹੋ ਜੀ ਮਿੰਟੋ ਮਿੰਟੀ ਖਬਰ ਬਣਾਤੀ ।”
ਤੇ ਫੋਨ ਕਟਿਆ ਗਿਆ ਦੂਸਰੇ ਦਿਨ ਸਵੇਰੇ ਮੈਂ ਅਖਬਾਰ ਪੜ ਇਹਾ ਸੀ ਤਾਂ ਲੋਕਲ ਪੇਜ਼ ਤੇ ਖਬਰ ਸੀ “ਗਰਮੀ ਨੇ ਗਰਮਾਹਟ ਵਿਖਾਈ ਲੋਕ ਪਰੇਸ਼ਾਨ ।” ਤੇ ਮੈਨੂੰ ਪਤਾ ਲੱਗ ਗਿਆ ਇਹ ਰੌਂਗ ਨੰਬਰ ਕੀਹਦਾ ਸੀ ।
****