ਖੇਡ

ਐਤਵਾਰ ਦਾ ਦਿਨ ਮੈਂ ਪੂਰੇ ਆਰਾਮ ਦੇ ਮੂਡ ਚ ਸੀ ਜਦੋਂ ਘਰ ਆਇਆ ਤਾਂ ਪੋਰਚ ਚ ਚਾਰ ਬੱਚੇ ਆਰਾਮ ਨਾਲ ਚੁੱਪ ਚਾਪ ਬੈਠੇ ਖੇਡ ਰਹੇ ਸਨ ਤੇ ਵਿਹੜੇ ਚ ਪੰਜ ਛੇ ਜਵਾਕ ਹੱਥਾਂ ਚ ਰੋੜੇ,ਆਂਡੇ ,ਕੜਛੀਆਂ, ਡੋਂਗੇ,ਚਮਚੇ,ਬਹੁਤ ਰੌਲਾ ਪਾਈ ਜਾਂਦੇ ਸੀ ਉੱਚੀ ਉੱਚੀ ਬੋਲੀ ਜਾਂਦੇ ਸੀ । ਮੈਨੂੰ ਬਹੁਤ ਗੁੱਸਾ ਆਇਆ ਤੇ ਮੈਂ ਇਕ ਬੱਚੇ ਨੂੰ ਕੰਨੋਂ ਫੜ ਕੇ ਪੁਛਿਆ ਆ ਕੀ ਕਰੀ ਜਾਂਦੇ ਹੋ……।।?
“ਅਸੀਂ ਖੇਡ ਰਹੇ ਹਾਂ…।।”ਬੱਚੇ ਨੇ ਬਿਨਾਂ ਡਰੇ ਕਿਹਾ
“ਮੈਂ ਕਿਹਾ ਉਹ ਵੇਖੋ ਕਿਵੇਂ ਚੁੱਪਚਾਪ ਬੱਚੇ ਖੇਡ ਰਹੇ ਨੇ ਉਹਨਾਂ ਦੀ ਕੋਈ ਆਵਾਜ਼ ਆਉਂਦੀ ਹੈ………।?”
“ਅੰਕਲ ਜੀ ਉਹ ਘਰ ਘਰ ਖੇਡ ਰਹੇ ਨੇ ਤੇ ਅਸੀਂ ਤਾਂ ਸ਼ੰਸ਼ਦ ਸ਼ੰਸ਼ੰਦ ਖੇਡ ਰਹੇ ਹਾਂ ।”ਬੱਚੇ ਨੇ ਬੜੇ ਹਿੰਮਤ ਨਾਲ ਤੇ ਵਿਸ਼ਵਾਸ ਨਾਲ ਕਿਹਾ ਤੇ ਉਹ ਫੇਰ ਉੱਚੀ ਉੱਚੀ ਰੌਲਾ ਪਾ ਰਹੇ ਸੀ ਮੈਂ ਉਹਨਾਂ ਨੂੰ ਆਰਾਮ ਨਾਲ ਵੇਖ ਰਿਹਾ ਸੀ ।