ਗੁੰਮਰਾਹ ਜਨਤਾ

ਦੋ ਰਾਜੇ ਨੇ । ਉਹਨਾਂ ਦੀ ਲੜਾਈ ਰਹਿੰਦੀ ਹੈ । ਇਕ ਨੇ ਚਿੱਟੀ ਵਰਦੀ ਪਾਈ ਹੈ । ਦੂਜੇ ਨੇ ਨੀਲੀ ਵਰਦੀ ਪਾਈ ਹੈ । ਉਹ ਦੋਨੋ ਲੜ ਪਏ । ਪਰਜਾ ਵੀ ਵੇਖੋ ਵੇਖੀ ਲੜਨ ਲੱਗ ਪਈ । ਪਰਜਾ ਲੜੀ ਗਈ ਲੜੀ ਗਈ ਲੜੀ ਗਈ । ਪਰ ਪਰਜਾ ਦੇ ਕੋਈ ਵਰਦੀ ਨਹੀਂ ਸੀ ਪਾਈ ਹੋਈ ਕਈ ਤਾਂ ਨੰਗੇ ਹੀ ਨੇ । ਲੜਦੇ ਲੜਦੇ ਪਰਜਾ ਭੁੱਲ ਹੀ ਗਈ ਕਿ ਉਹ ਕੀਹਦੇ ਵਲੋਂ ਤੇ ਕਿਉਂ ਲੜ ਰਹੇ ਨੇ………? ਤਾਂ ਲੜਦੇ ਲੜਦੇ ਕਿਸੇ ਨੇ ਪੁਛਿਆ
“ਬਾਈ ਆਪਾਂ ਕਿਉਂ ਲੜੀ ਜਾਨੈ ਆਂ……?”
“ਆਪਾਂ… !… ?…ਆਪਾਂ……? ਆਪਾਂ ਰਾਜੇ ਲਈ ਲੜ ਰਹੇ ਆਂ?”
“ਕਿਹੜੇ ਰਾਜੇ ਲਈ…………?”
“ਮੈਨੂੰ ਨਹੀਂ ਪਤਾ ਯਾਰ,ਮੈਂ ਤਾਂ ਆਪ ਤੇਰੇ ਵਰਗਾਂ……?”
“ਮੇਰੇ ਕੋਲ ਤਾਂ ਸੋਚਣ ਦਾ ਸਮਾਂ ਨਹੀਂ……?”ਤੇ ਉਹ ਫੇਰ ਲੜਨ ਲੱਗ ਪਿਆ ।
ਥੋੜੀ ਦੇਰੇ ਬਾਅਦ ਕੁਝ ਕੁ ਪਰਜਾ ਮਰ ਚੁੱਕੀ ਸੀ ਤੇ ਕੁੱਝ ਕੁ ਜਖਮੀ ਹੋ ਚੁੱਕੀ ਸੀ । ਇਕ ਰਾਜਾ ਮਰ ਗਿਆ ਸੀ ਤੇ ਦੂਜਾ ਰਾਜਾ ਜਖਮੀ ਹੋ ਗਿਆ,ਜਖਮੀ ਪਰਜਾ ਦਾ ਹੁਣ ਜਖਮੀ ਰਾਜਾ ਸੀ ।           

****